Un xogo inocente que se desboca ata deixar de ser un xogo. Unha broma, unha burla, un alcume, un rumor, unha mensaxe anónima, unha ameaza, un golpe, unha malleira.
Así empeza todo, e non coma nas películas.
Unha historia que sucede todos os días, en todas partes, a unha chea de persoas distintas. Vítimas que xa non saben se se meten con elas por seren como son ou se son así porque se meten con elas. Ata que, un día, unha desas vítimas decide que, se non pode deixar de sentir medo, será quen o infunda.
A historia de como Jacob se converteu en Lobo. De como ambos creceron á vez, pero non do mesmo xeito.
A historia sobre o monstro no que calquera se pode converter.
Mesmo, a vítima.

3º-4º ESO

1º-2º BAC