Bibliografía

Onde aprendemos a dubidar de nós mesmas? Quen nos ensinou que caladiñas estamos máis guapas? En que escola sacamos o título cum laude en baixa autoestima e inseguridade?
As "nonofareibenistas" son aquelas mulleres capaces, preparadas e talentosas que, se puidesen elixir un superpoder, escollerían o da invisibilidade. Elas son as súas peores inimigas. Dubidan dos seus coñecementos, están convencidas de que calquera persoa o pode facer mellor, imaxinan o inferno como un lugar no que hai que falar diante dunha audiencia numerosa. Eres unha delas? Se cada vez que alguén che fala da síndrome da impostora te sentes reflectida, se cres que tes unha tara, este é o teu libro.
"No lo haré bien" sácanos do armario e convídanos a enfadarnos xuntas percorrendo todos os lugares e circunstancias nas que, dende ben cativas, aprendemos a sabotarnos. Aquí ninguén che ensinará a sacudir o monstro da impostura pero ofréceseche algo mellor: unha boa dose de rabia e unhas lentes de aumento.