Cada vez que facemos clic, escribimos, damos un "me gusta", aceptamos unha solicitude de amizade, mercamos, e mesmo cando imos andando pola rúa, vixiánnos máis ollos dos que podemos imaxinar! Dentro e fóra de internet, as empresas, os gobernos e as forzas de seguridade van recopilando información sobre nos. Din que así estamos máis seguros, ou que iso nos facilita a vida. Mais, onde está a liña que separa a seguridade da intimidade? E a quén lle corresponde trazala?
Con diversos exemplos da vida real, a autora descifra neste libro o controvertido mundo da vixiancia electrónica e explora temas tan candentes coma a tecnoloxía do recoñecimento facial, as cámaras de seguridade, o ciberacoso e o control dos alumnos nas escolas entre outros.